Quppersagaq
Kalaallit Nunaanni Kisitsisit 2021-moortoq saqqummerpoq
Kalaallit Nunaanni Kisitsisit nunatsinni inuiaqatigiinni pissutsinut tunngasunik paasiuminartunillu imalik, massakkut tuluttut, qallunaatut kalaallisullu 2021-mut nutartigaalluni saqqummerpoq.
Quppersagaq 40-nik quppernilik paasissutissanik iluaqutaalluarsinnaasunik, assersuutigalugu peqqinnissamut, nunanik allanik niueqateqarnermut, takornariaqarnermut isumaginninnikkullu ikiorsiissutinut tunngasunik imaqarpoq.
Tuluttut
suliarineqarnera ukiut tamaasa nunanit allaniit tikittartorpassuarnut,
tikeraartulinnut imaluunniit nunani allani attavigisartakkanut nunarput pillugu
paasissutissiinermi atorneqarsinnaasunngorlugu tulluarsagaavoq.
Tamaattoqartillugulu Greenland in Figures ullutsinni Kalaallit Nunaanni
pissutsinut oqimaaqatigiissaakkamik paasissutissiinermut
iluaqutaalluarsinnaalluni.
Quppersagaq
oqaatsit pingasut atorlugit naqinneqarpoq, saqqummersitarlu
Naatsorsueqqissaartarfiup nittartagaani: www.stat.gl –imi aamma pdf-filinngorlugu
aaneqarsinnaavoq.
Naqitanngorlugu
inniminniineq e-mail: stat@stat.gl imaluunniit oqarasuaat 34 57 70 atorlugit pissaaq,
inniminniinermilu nassiussivissaq piniakkallu amerlassusaat
nalunaarutigineqassapput. Naatsorsuutigineqassaaq nassiussineq minnerpaamik
sapaatip akunnerinik pingasunik sivisussuseqassasoq.
Annertunerusumik
paasisaqarusuttut Bolatta Vahl, oqarasuaat 34 57 82 imaluunniit Naduk Kleemann
oqarasuaat 34 57 78, kiisalu e-mail: stat@stat.gl atorlugit
saaffiginnissinnaapput.